ரூ.3000 மதிப்புள்ள வவுச்சர்கள். ஏறக்குறைய 800,000 பாடசாலை மாணவர்களுக்கு காலணிகள் கொள்வனவு செய்ய 3000 ரூபா வழங்கப்படும் என கல்வி அமைச்சர் சுசில் பிரேமஜயந்த தெரிவித்துள்ளார்.
எதிர்வரும் இரண்டு அல்லது மூன்று வாரங்களில் வவுச்சர்கள் விநியோகிக்கப்படும் என கல்வி அமைச்சின் அறிக்கை ஒன்றில் அமைச்சர் தெரிவித்துள்ளார்.
பொருளாதாரத்தில் சிரமம் உள்ள குழந்தைகளுக்கு இந்த கொடுப்பனவு வழங்கப்படும் என அவர் மேலும் தெரிவித்தார்.
அடுத்த வருடம் (2024) இது மேலும் அதிகரிக்கப்படும் என அமைச்சர் பிரேமஜயந்த மேலும் தெரிவித்தார்.
அடுத்த வருடம் முதல் பாடசாலை அமைப்பில் பல மாற்றங்கள் நடைமுறைப்படுத்தப்படும் எனவும் கல்வி அமைச்சர் தெரிவித்தார்.
காலியில் உள்ள பாடசாலை ஒன்றில் நேற்று இடம்பெற்ற நிகழ்வொன்றின் போதே அமைச்சர் பிரேமஜயந்த மேற்கண்டவாறு தெரிவித்தார்.